Durante e conferencia di prensa di Euro 2020 dialuna, e superstar di futbol, Cristiano Ronaldo, a move cu iritacion dos boter di Coca-Cola, un di e sponsors oficial di e evento, y despues a tuma su boter di awa. “Água!”: el a sclama den Portuges, poniendo e boter memey riba su desk. Na final di e conferencia di prensa di e Campeonato Europeo, e shares di Coca-Cola a cay un 1,6%, na 55,22 dollar for di 56,17 dollar. Esaki a corta $ 4 biyon di e balor di mercado di e gigante di bebida, cu e shares hundiendo otro 0,6% ayera na $ 55,08.
Un portavoz di Euro 2020 a bisa: “e hungadonan ta wordo ofrece awa, hunto cu Coca-Cola y Coca-Cola Zero Sugar, ora nan yega nos conferencianan di prensa”, y cu tur “tin e derecho na su bebida di preferencia”. E hungado di Manchester United y Francia, Paul Pogba, ta parce di a sigui e ehempel di Ronaldo un dia despues durante su conferencia di prensa. Pogba, un musulman devoto, a move un boter di Heineken (un otro sponsor di Euro 2020) di su mesa. Sinembargo, e no a haci niun comentario mientras e tabata haci esaki.
Ronaldo ta famoso pa su enfoke riba salud y fitness. E ta conoci pa come seis cuminda y tuma cinco naps pa dia, loke e ta documenta na su casi 300 miyon siguidonan di Instagram. Den e gala di Global Soccer Awards fin di aña pasa, el a bisa con e ta cuida e dieta di su yiunan, y el a pone enfasis principalmente cu Cris Jr. gusta come fast food, loke por bira un problema si e kier dedica na futbol. Portugal a beat Hungria 3-0, cu Ronaldo anotando dos di e tres golnan. Awo e tin e record di golnan anota den e final di e Campeonato Europeo, cu 11.
