E actornan, Daniela Alvarado y José Manuel Suárez, a ricibi nan bendicion nupcial na Iglesia San Juan Bosco na Caracas, diasabra 18 di september. E ceremonia eclesiastico a tuma luga cuater luna despues di nan union civil. E siguidonan riba e rednan social di e pareha y e invitadonan por a disfruta di un di e bruidnan mas comenta. E novia a luci encantador den su trahe espectacular diseña pa Hugo Espina.
E diseñador a post riba su Instagram un video y el a skirbi cu mescos den e temponan di oro di television venezolano, 18 di september a tuma luga un di e bodanan mas spera di 2021. “Nos Danielita Alvarado, yiu di e realesa di e mundo artistico na Venezuela: E tan keri Daniel Alvarado y Carmen Julia Alvarez, protagonista di incontabel historia cu ta permanece den nos curasonnan… e mucha cu nos a wak crece dilanti camera ta uni den Sagrado matrimonio cu e tambe actor destaca, productor y escritor venezolano Jose Manuel Suarez”.
E website VidaModerna a publica 10 dato curioso di e matrimonio di Daniela Alvarado y José Manuel Suárez, unda nan a resalta den e titular cu nan a tuma nota for di ausencia di su ruman homber te su luna de miel.
1- Daniela Alvarado mes a bisa cu e ta desea di celebra su boda na Plaza Francia di Altamira pa tanto e invitadonan como su siguidonan fiel por presencia su casamento. Sinembargo, Iglesia Catolico no a permiti esaki y e ceremonia finalmente a tuma luga na iglesia San Juan Bosco di Altamira.
2- Hugo Espina, diseñador di e shimis di Daniela, mester a termina di cose e trahe na man door di e fayonan di electricidad, poco ora prome cu e ceremonia.
3- Mauricio, e yiu di Patricia Schwarzgruber, un di nan miho amiganan, a hiba e actriz te na altar.
4- E madrinanan tabata e actriznan venezolano, Patricia Schwarzgruber y Bebsabe Duque.
5- E ausente grandi na e bruid ta e ruman, Carlos Daniel Alvarado, aunke no sa dicon, pero riba e rednan social ta specula cu tin un conflicto entre nan.
6- E wedding planner, Natasha Hernández, tabatin solamente un luna y mey pa organisa e ceremonia y fiesta den un tempo record.
7- E actriz a pone hopi duidelijk riba su carchi invitacion, cu ta solamente e personanan invita por asisti y e no kier ‘arroceros’. Tambe el a menciona e dress code mester ta trahe di gala of ‘etiqueta’. “Recuerda que las lentejuelas, brillantes y canutillos también tienen niveles. Ni muy muy, ni tan tan”, ta skirbi den e invitacion.
8- Como regalo di bruid, tanto Daniela Alvarado como José Manuel Suárez a pidi placa y no precisamente bolivar. “Bitcoins, morocotas, cash o zelle”.
9- E invitadonan na e boda mester a menciona riba nan rednan social, e proveedornan di e ceremonia pa duna nan trabou un push y apoya nan
10- E pareha recien casa no lo tin luna de miel pa e momentonan aki door di nan compromisonan profesional. E biahe ta planea pa fin di aña.
E matrimonio di Daniela y José Manuel tabata yena di momento special. E pareha nan amigonan, famia y e figuranan di e mundo di espectaculo tabata contento di por a acompaña e actornan aki, cu ta hopi stima na Venezuela.
