Angelina Jolie a luci un figura glamuroso mientras e ta lidera e streanan cu a asisti na e premiere di Eternals na BFI IMAX Waterloo na Londen awe. E actriz, di 46 aña, a reuni cu su yiunan, Shiloh (15), Zahara (16), Vivienne y Knox (13) y Maddox (20), Pax ta su unico yiu cu no a asisti. E strea di cine, cu ta interpreta Thena den e pelicula di Marvel, tabata mustra increibel cu un blazer preto cu el a combina cu un saya hancho los y un camisa blanco.
E actriz ganado di Oscar a presenta cu un detaye plisa mientras el a completa su outfit cu un wristwatch. Angelina a mustra sensacional cu su cabey brunette los cayendo riba su schoudernan, mientras e ta pose dilanti e cameranan. E yiu di Angelina Jolie, Shiloh Jolie-Pitt, ta continua cu su cambio radical di imagen mientras el a bisti un shimis elegante cu detayenan di canchi pa asisti na e gala di Eternals.
E teen ta mustra di a pasa den un transformacion di estilo ultimamente, optando pa shimis den e promo trail di Eternals hunto cu su mama y rumannan. Diadomingo Shiloh a mustra super trendy tambe na e premiere na Roma, unda el a luci un shimis preto cu un saya hancho y keds neon cu animal print mientras su cabey tabata wanta den un chignon elegante y el a bisti reenchi horea hoepel.
E fanaticada a keda sorprendi ora nan a mira e yiu di 15 aña di Angelina, cu un shimis riba red carpet. Shiloh a debuta cu un estilo nobo ora el a join su mama na e premiere na Los Angeles siman pasa, unda el a luci un bunita shimis color crème pa e evento hunto cu su rumannan. For di chikito ya caba Shiloh a demostra cu e muchanan transgender ta nace asina na luga di wordo influencia pa nan ambiente.
