Ed Sheeran a revela siman pasa cu e tabata planeando di lansa un gran ‘curveball’ musical. Na e momento ey su fanaticonan no tabata sigur kico esaki tabata kiermen, pero dialuna e cantante a comparti finalmente kico e tabatin planea. Ed a publica riba su twitter: “Mi kier comparti cu boso loke cu mi tabata trahando riba dje.
Mi a conoce J Balvin na un gym na New York aña pasa”. Sheeran a tweet esaki hunto cu un video preview di 15 seconde na unda cu por a wak Ed y J Balvin tocando guitara y cantando, cu ta parce manera un shooting pa un video musical. Ed a sigui bisa: “Tabata ami cu ne so mainta trempan na gym, mi a reconoce su stem ora cu e tabata papiando na telefon, asina cu simplemente mi a bay cerca dje y salude”.
E pareha artistico a termina di graba varios cantica durante nan tempo hunto, aunke na e momento aki ta e dos canticanan: ‘Sigue’ y ‘Forever My Love’ ta bay wordo lansa pronto. E artista procedente di Inglaterra a bisa: “Tabata un reto pa siña pronuncia algun palabra corectamente na Spaño”. Sheeran a bisa tambe: “J Balvin kier a introduci mi na su mundo y ami na esun di mi. E tabata un reto pa siña Spaño pa esaki”.
