Dina Alexander y Chantal Beke a haya invitacion di Dra. Marcela Realpe Palomino, Ginecologo na Urgent Care, pa informa e comunidad di Aruba tocante tuma tempo y siña con pa haya satisfaccion na un manera simpel y saludabel: ‘Self pleasure’. E invitacion aki tabata riba Dia Internacional di Hende Muhe.
E conexion entre e tres oradornan tabata fantastico y e evento a resulta den un exito rotundo. Dina ta bisa: “Ora bo ta papia mesun palabra, ta lanta propositonan nobo y e resultado tabata miho cu nos a spera”. E tabata un anochi yena di informacion tocante amor propio. Dra. Marcela a papia di e anatomia di e muhe con no ta dun’e e atencion cu e merece. ‘Self pleasure’ no ta haci niun hende daño, e ta yuda bo y ta beneficia bo salud.
Chantal a papia di e placer propio y con un muher tin un organo cu su unico motibo ta pa duna placer. Dina como e ultimo orador a papia di ‘Sex and Money’, unda el a haci e publico mas consciente di e diferencia cu tin entre e salario di hende muhe y hende homber! Den edicion di FOCUS Digital Magazine di april por haya sa mas di e topico aki.
E revista ta accesibel via Apple iStore, Android Google Play Store y www.focus.aw (Menu Tab FOCUS DIGITAL)
