Naci dia 1 di october 1981, Deborah James a sali for di e veld di enseñansa pa converti den un blogger, presentadora di podcasts y activista contra cancer. Despues di a ser diagnostica cu cancer di tripa incurabel den stage 4, el a cuminsa su blog, BowelBabe. E blog aki despues a bira un columna semanal riba The Sun Online, cu e nomber ‘Things Cancer Made Me Say’. Tambe a presenta e podcasts ‘You, Me & the Big C’ pa Radio 5 Live di BBC y ‘The Good Stuff’, cu el a presenta hunto cu su yiunan, y ta autora di ‘F*** You Cancer’.
Deborah a ser diagnostica cu ‘bowel cancer’ incurabel algun dia prome cu Pasco na 2016. Aunke nan a dune solamente 8 porciento pa por sobrevivi e cancer di tripa te cu 40 aña, el a logra celebra su cumpleaño. Dia 6 di mei 2022, el a revela cu e lo bay pa cuido di hospice na cas. El a skirbi un mensahe hopi tristo di despedida cu a kibra curason di hopi hende, unda el a bisa cu su curpa simplemente no por sigui mas.
Den edicion di Focus Digital Magazine di e luna aki, por lesa mas di Deborah James y di The Bowelbabe Fund, cu a logra recauda miyones pound sterling y a ricibi su Damehood for di Prins William. E revista ta accesibel via Apple iStore, Android Google Play Store y www.focus.aw (Menu Tab FOCUS DIGITAL)
