Jennifer Lopez (52) y Ben Affleck (49), a conoce otro na e set di nan blockbuster flop ‘Gigli’ na 2002 y nan a ‘date’ te cu 2004. Jennifer a casa cu Marc Anthony, e tata di su morocho Emme y Maximilian e mesun aña, pero nan a split na 2014. J.Lo a cuminsa sali cu e ex-New York Yankee, Alex Rodriguez na 2017 y nan a compromete na 2019 ora cu Alex a ‘pop up’ e pregunta cu un renchi di compromiso balora na $ 1.8 miyon y despues a laga otro na 2021. Affleck mientrastanto a casa cu e Jennifer Garner na 2005 y a separa na 2018.
J.Lo y Affleck a compromete na april e aña aki y sin duda e noticia di nan casamento tabata algo hopi anticipa. Esaki a keda revela pa e propio J.Lo a traves di su JLo newsletter, cu el a casa cu Ben Affleck na A Little White Chapel. El a skirbi cu e miho testigonan cu bo por imagina, un shimis for di un pelicula antiguo y un jacket di e closet di Ben.
Nan a lesa nan propio promesanan den un kapel chikito na Las Vegas y entrega otro e renchinan cu nan ta bay uza pa resto di nan bida, agregando cu e ceremonia tabata exactamente loke nan tabata desea. Segun algun fuente di noticia di farandula, cu e pareha tin planea pa celebra un gran boda cu nan famia y amigonan den un futuro cercano.
