Ryon ta uzando for di aña 2006 su hashtag cual ta #ArubanTraveler pa promove biahamento y Aruba. The Aruban Traveler ta e base tambe di Maison Ryon, cu na Frances ta nifica Cas di Ryon, mescos e casnan grandi di moda ta yama nan imperio. E ‘lifestyle brand’ aki a ser lansa na juni 2021 enfocando riba e piesanan unico traha na Aruba, cu ta di excelente calidad y tin tanto e bista como e gusto di moda y estilo pa tur genero.
Ryon ta bisa e señalnan cu e ta un adicto na biahamento ta e sensacion cu esaki ta dun’e ora e ta biahando. E trankilidad ta e parti, cu ta yen’e cu energia positivo y tambe lag’e refleha y gradici pa tur loke e tin. E ta amplia su conocemento di mundo y dun’e perspectivanan cu e ta hiba cu ne den su bida diario. Di profesion, Ryon Dijkhoff ta un Audit Manager den e departamento di Advisory & Assurance na Grant Thornton Aruba.
Den edicion di Focus Digital Magazine di e luna aki, #ArubanTraveler ta comparti cua ta e cuater paisnan cu a haci mas impacto riba dje y tur e diferente motibonan dicon. E ta duna su miho tips na tur e biaheronan. E revista ta accesibel via Apple iStore, Android Google Play Store y www.focus.aw (Menu Tab FOCUS DIGITAL)
