Den e docuserie Harry & Meghan, e Dukenan di Sussex a agrega algun video cu nan mes a graba pa complementa e docuseries na Netflix. Meghan Markle y prins Harry ta nenga cu nan a renuncia nan debernan real y emigra na Merca door cu nan tabata kier privacidad. Asina nan a hustifica nan documental na Netflix cu ta registra e momentonan mas intimo di nan relacion sentimental y matrimonio. E pareha a comparti masha hopi potret di nan y tambe di nan yiunan Archie y Lilibet na nan cas. E potretnan di nan prome date y hasta e imagennan unda Harry aparentemente ta pidi Meghan pa casa cu ne, cu el a transmiti live pa un amigo.
Harry y Meghan a entrega 15 ora di videonan personal cu nan a graba den e prome lunanan di 2020, segun e directora Liz Garbus, cu a evita contesta e preguntanan tocante cuanto control e Dukenan di Sussex tabatin riba e capitulonan. El a yama e docuseries cu a keda estrena dia 8 di december como un ‘colaboracion’. Loke tur hende a kere tabata cu e decision di renuncia nan debernan real tabata un señal cu nan tabata kier biba na un manera mas priva. E propio Harry a bisa cu Megxit e ta spera, cu nan lo haci como famia un bida mas trankil mientras cu e pareha a inicia tambe varios caso hudicial di privacidad na Reino Uni.
E serie di Netflix a lanta e preguntanan manera ta for ki tempo nan a planea di haci un documental. E monologo di introduccion di e Duke of Sussex ta graba mirando e camara di su celular for di VIP Windsor Suite na Heathrow Airport tempo cu e pareha a termina nan debernan real na maart 2020 y a emigra na Merca. Liz Garbus cu a reemplasa e documentalista Garrett Bradley despues cu el a laga e proyecto, a expresa cu e ta eynan cu Harry den e Suite Windsor procesando e hecho cu e ta laga e famia real pa prome biaha den su bida. Despues tabatin un otro clip cu Meghan na su cas, su so recien cu el a sali for di douche, cu su cabey den un serbete y sin makiyahe.
Meghan Markle a indica con e cosnan tabata en realidad cu su salida for di House of Windsor, cu e ta hopi personal, rauw y poderoso, y lag’e aprecia e peso increibel cu su desicion tabatin. El a afirma tambe cu e escogencia cu el a haci di kier aclara con e kiebro historico aki a sosode. E guera riba privacidad sin duda lo ser debati atrobe ora lo publica e memorianan di prins Harry, Spare, na januari. Durante un discurso di Harry na Londen algun ora despues cu Megxit na januari 2020, el a sigura cu el a tuma e decision pa su famia pa dal un paso dilanti loke ta spera cu lo ta un bida mas tranki.
