Rey Willem-Alexander, Reina Máxima y Prinses Amalia a bishita awe mainta Parke Nacional Arikok y a haci un caminata den e parke, unda nan a bishita Balashi Gold Mine Ruins. Nan a combersa tambe cu e junior rangers di cultivo riba mantenimento y maneho. Despues nan a haci un bishita na Royal Aruba Aloe, un empresa funda na 1890. Rey Willem-Alexander, Reina Máxima y Prinses Amalia a observa con e empresa ta cultima aloe y ta produci esaki den productonan pa cuido y a papia cu e empleadonan,
Parti atardi nan ta bishita Universidad di Aruba y ta atende parti di un lectura y encuentro cu e estudiantenan, profesor y decano. Pa continua cu e compromisonan di awe diamars, Rey Willem-Alexander y Prinses Amalia ta bishita e academia di fubol na Compleho Deportivo Frans Figaroa, mientras Reina Máxima ta bishita un proyecto di Credits na cunucu di famia Koolman na Paradera.
Awe nochi e famia Real lo ta na Bon Bini Festival na Fort Zoutman despues di un recorido na Plaza Padu, cu presentacion di productonan local y musica. Rey Willem-Alexander, Reina Máxima y Prinses Amalia lo presencia un exploracion di cultura y historia di Aruba, cu musica y baile Caribeñse.
