E entrega di 2023 BAFTA Awards, cu ta celebra e miho di e talentonan cinematografico Britanico y internacional, a impresiona un biaha mas cu su red carpet unda e celebridadnan a desfila den nan fabuloso trahenan. E mas spera sin duda tabata Princess of Wales cu a luci un shimis blanco ‘one shoulder’ cu algun modificacion minimo manera e detaye di flor riba e schouder, cu a wordo cambia pa un tela hancho largo.
Kate a bisti e shimis aki di Alexander McQueen na BAFTA 2019 y el a modernisa e look cu su styling combinando e outfit cu handschoen ‘black opera’, cual ta mustra como un tendencia clave riba red carpet den e temporada aki di premio. Esaki ta e prome aparicion riba red carpet di BAFTA di e pareha como Prince & Princess of Wales. E pareha a asisti varios biaha den e ultimo añanan y Middleton hopi biaha a scoge McQueen pa e gran evento aki.
Pero loke a capta tur atencion tabata e renchinan di horea di Zara! E renchinan ta pertenece na e ultimo coleccion di Zara y nan ta na alcance di casi tur presupuesto. Riba e website oficial di e marca nan a aparece cu un prijs di 17 dollar. E firma Inditex ta describi e piezanan aki como renchinan di horea metalico den forma di flor cu aplicacion di joya. Nan ta ser yama ‘flower cascade earrings’ y nan no a stop di circula riba e rednan social.
