Selena Gomez a bay live riba TikTok pa revela e rason dicon el a subi poco di peso y el a papia di su salud, e remedinan pa lupus y con esaki ta afectando su curpa. Den e video cu Selena a comparti, el a bisa cu bebiendo e remedinan di lupus, esaki a pone cu el a subi di peso. Cu ora e tuma e remedinan, e tin inclinacion pa retene hopi ‘water weight’ y esey ta sosode normalmente. Ora e ta for di esaki e ta cuminsa perde peso.
Selena Gomez a agrega cu e tabata djis kier a bisa y duna curashi na cualkier hende cu ta sinti algun tipo di berguensa pa loke nan ta pasando aden, y niun hende sa e storia real. E djis kier pa e hendenan sa cu nan ta bunita y maraviyoso. Tin dia unda kisas nos ta sinti sh*t, pero e ta prefera di ta saludabel y cuida su mes. Su remedinan ta importante p’e y ta kere cu nan ta loke ta yudand’e.
E actriz a continua papiando con nunca e kier ta un modelo, ni tampoco un curpa di modelo, El a bisa nunca e lo ser un modelo y ta pensa cu nan ta increibel. Definitivamente e no ta esey y solamente e kier bisa cu e ta stima tur hende y danki pa e apoyo y comprondemento. Si no ta asina e ora aleha, pasobra honestamente e no ta kere den humilia hende pa nan curpa of cualkier otro cos.
Na 2015, Selena Gomez a papia tocante su diagnostico di lupus, cu ta un enfermedad cu bo ta haya ora e sistema inmunologico di bo curpa ta ataca su propio tehido- y organonan.
