Riba e portada di Focus Digital Magazine di september ta ilustra e pareha carismatico, Jeanissa y Xavier Maduro, cu a celebra den un forma grandioso nan union matrimonial. Jeanissa ta Aruba su reina cu dobel corona, esta Reina Hubenil 2015 y Reina di Carnaval 2019. Jeanissa y Xavier ta conta, con di candela cu swafel nan a converti den un pareha hoben, cu ta kere den stima y balora otro.
Na 2015 Xavier y Jeanissa no tabatin un bon amistad door cu Jeanissa a gana Reina Hubenil di Carnaval y Xavier tabata apoya un otro reina. Despues di mas cu 1 aña pa ser exacto 4 di september 2016, Xavier a mira Jeanissa bek y e dia ey el a mande un message, y asina a crea un amistad cu a crece den amor te cu nan a seya nan union riba e dianan 21 y 22 di juli 2023 pa raad y misa.
E plan inicial tabata pa nan casa na juli 2022, pero a dicidi pa prepara un aña mas pa celebra e boda di nan soño. Un preparacion pa e pareha tabata uno hopi bunita y excitante. Alabes e tabata un experiencia unda nan a haya nan den situacionnan cu lo por a sinti hopi stress, pero ta hopi importante pa no laga esaki domina e momento aki. Xavier y Jeanissa a disfruta cada momento di e preparacion, p’asina den futuro esaki keda como un experiencia bunita cu lo pasa 1 biaha so den nan bida.
Xavier y Jeanissa ta comparti detayenan di nan boda y tambe nan album di potret den Focus Digital Magazine di september, cu ta accesibel gratis a traves di Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
