Como un designer cu hopi pasion, Gigliola Arendsz a cuminsa cu Art Fashion for di e prome edicion te cu awe. E ta un platforma cu segun Gigliola tin tur tipo di programa pa chikito te grandi. Cu bo por expresa bo mes den tur tipo di inspiracion cu un ser humano tin den mente como artisa of si bo no tin un luga pa trece bo expresion dilanti. Por siña hopi tambe fo’i loke Art Fashion y San Nicolaas tin pa ofrece y e team mes ta apoya e ideanan di mas chikito te esnan mas grandi. E ta agradecido cu e por bisa di por a comparti cu e team di Art Fashion Aruba.
Gigliola Designs tabata presente recientemente cu su coleccion ‘The Warmth of Paradise’ na Colombia Moda 2023 como diseñador invita conhuntamente cu Art Fashion Aruba cu e colaboracion ’Memoria & Legado’. Esaki ta un proposicion cu a drenta como un colaboracion p’asina den futuro por tin mas diseñador local cu por haya e oportunidad di showcase nan marca na Colombia. Un intercambio mutuo unda Colombia tambe por expone su diseñador- y artistanan pa por siña for di maestronan di Colombia, cu e modelonan riba nos plataforma local di Art Fashion.
Diversidad semper a empodera Gigliola su proposito creativo ora mira su trabou durante añanan. E coleccion ‘Pre-Fall 2023: The Warmth of Paradise’ a lag’e un biaha mas profundisa den un variedad di material, forma y color. Eelementonan di e calor di e isla, no solamente locual ta e temperatura sino tambe e naturalesa caluroso di e hendenan di Aruba, a inspira e coleccion aki enormemente. Un serie di color, forma y estilo a bay den e creacion aki, experimentando cu diferente combinacion di tela, forma como tambe textura.
Gigliola Designs ta riba pasarela di Art Fashion cu su coleccion ‘The Warmth of Paradise’, mesclando tononan afectivo y scur cu siluetanan elegante y suave. Tur e elementonancu cu ta tipicamente y djis Gigliola. E coleccion aki ta pa e muhernan cu nan curason ta kima cu amor y pasion. E amor pa moda cu ta personifica tur loke ta un hende muhe. Gigliola Designs ta den Focus Digital Magazine di september, cu ta accesibel gratis a traves di Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
