E creacion di BAZ-RRR Galleria ta un experiencia unico pa Joase-Ann van der Biest, cu lesnan caro y valioso. Como hende muhe y mama soltera, e ta un poco mas duro pa lanta un negoshi. Sinembargo cu conviccion y perseverancia cu su focus riba e motibo principal pa habri un galeria di arte na Aruba, el a tuma e desicion despues di un break cortico pa habri bek cu un concepto nobo.
Enfocando awo completamente riba arte local crea pa Muhernan Artista y crea un plataforma nobo cu un ‘Creative Fair Trade Economy’ pa yuda e artistanan femenino haya un otro fuente di entrada. Joasy van der Biest hunto cu dos amiga Diamanta Kock (Cuppa Craft Art Café ) y Ana Piña Werleman (Artittude Art Shop) a crea e concepto 3 Concept Venue (3cv), cual ta 3 negoshi den uno enfocando riba nan propio causa, pero hunto colaborando pa un movimento empoderando otro.
Joase-Ann ta kere e desafio di mas grandi ta keda semper e balans pa siña su mes pa ta mas consciente financieramente. Cu tur honestidad e ta bisa cu su prome intento tabata uno cu a sali hopi caro, pero el siña di esaki y lanta bek pa sigui cu su galeria cu ta un negoshi cu proposito. Lesa mas di tur locual Joasy a surpasa pa ta bek cu su pasion den Focus Digital Magazine di november, cu ta accesibel gratis a traves di Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
