Pa hopi tempo Valentine’s Day ta wordo celebra door di pone hopi enfasis riba pareha y relacionnan amoroso. Companianan y sociedad ta inverti hopi placa pa mustra cu bo mester un hende den bo bida pa ta feliz y cu bo ta demostra amor door di cumpra/duna regalo. Den Focus Digital Magazine di e luna aki, Mindful Love Aruba ta comparti di a tuma nota cu awendia tin un shift cultural na unda amor propio ta hunga un rol hopi mas central. Amor ta cuminsa na nos mes y e relacion mas importante ta esun cu nos tin cu nos mes.
E sicologo, Sabrina Sonensein, ta elabora riba 11 manera pa bo demostra bo mes amor y mehora bo bienestar tur 365 dia di aña. E prome cu e ta menciona ta pa haci algo pa bo mes: Puntra bo mes kico ta pone bo sinti bon di paden, kico ta fuel bo pasion y kico ta duna bo bida sentido. E por ta un hobby, trabou boluntario of tuma un les. E di dos ta pa uza e palabra magico: “NO”! E ta un acto di amor propio pa pone barera. Pone cierto limite den bo bida personal y profesional ta yuda preveni stress, burnout, ansiedad.
Lesa cua ta e otro 9 maneranan pa bo demostra bo mes amor y mehora bo bienestar tur 365 dia di aña den e revista cu ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL)
Download bo revista awo!
