Alexa Werleman cu ta popular door di a traha pa hopi aña den e mundo radial y di television, tabata den e wowo publico y su fanaticada sigur ta admira e cambio di imagen cu el a logra cu Keto Diet. Alexa ademas di presentadora na radio y television, ta un relacionista publico cu specialidad den marketing. Den e liña aki el a yega di traha den pasado den diferente campaña politico y como tambe den funcion como Head of Public Relations di un ex Minister.
Alexa ta un cabes di famia cu for di chikito a lucha cu hopi obstaculo pa por biba un miho bida. Semper cu e sentimento di kier yuda esunnan cu mester y despues di a pasa den hopi enseñanza di bida, awe e por bisa cu el a haya su proposito real di bida. Den su buskeda personal y urgente pa adopta un bida mas saludabel, el a purba hopi metodo cu nunca a duna un resultado optimal ni factibel pa su salud.
E ultimo recurso cu a keda pa Alexa tabata Keto Diet prome cu bay haci un procedemento bariatrico. E tabata un gratificacion grandi pa realisa cu despues di apenas dos luna haciendo Keto Diet, no solamente su peso a baha, pero finalmente e por a bisa cu e tabata den un perfecto estado di salud. Y esey ta loke a motiv’e na educa su mes profesionalmente pa asina yuda otronan, cu tambe ta bringando cu sobrepeso y obesidad.
Den Focus Digital Magazine di juli, Alexa Werleman ta splica kico ta haci Keto Vibe by Alexa diferente na otro programanan di baha peso. E revista ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
