E storia di Famia de Vries den e mundo di bril ta danki na Señor Bert de Vries, cu a traha na varios pais como optometrista. El a establece su mesun negoshi na Hulanda pa despues muda bin Aruba y tuma over Optica Oduber & Kan y Optica Select, awor conoci como The Specialists Vision & Hearing. Di chikito semper e yiunan tabata den tienda, yudando den e departamento di mucha, pas tur e brilnan y cu tempo nan a cuminsa siña un tiki di tur e departamentonan di e tienda.
Ora cu Iris y Marcus de Vries a bira mas grandi nan mayornan a sigui involucra nan den e negoshi. Den nan epoca di teenager nan a cuminsa biaha pa bay tradeshows y expo, alabes tabata yuda haci compra pa e tiendanan. Cu tempo nan a tuma over e buying completo, pa nan mayornan por a focus mas riba e negoshi mes. Asina e rumannan a siña traha un buying plan y a drenta mas e mundo aki.
E idea di WOWO Eyewear a cuminsa hopi aña pasa durante e bishita na expos y tradeshows haciendo e buying pa The Specialists. Iris y Marcus tabata encanta pa wak tur e coleccionnan y e evolucion interesante di e industria di bril, mirando e estilonan di bril cu ta keda bin bek tur aña y na mes momento cual no ta funciona y no ta bin bek mas. Aki nan gana di traha un coleccion di nan mes a cuminsa.
Den Focus Digital Magazine di september, e rumannan de Vries ta comparti cual lo ta e siguiente meta di WOWO Eyewear tanto na Aruba como internacionalmente. E revista ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
