Tamara Quevedo y Peter Olivares a conoce otro a traves di amigonan en comun na aña 2017 durante un vacacion familiar na Maracaibo, Venezuela. Desde e tempo ey, nan a biaha cada luna durante 3 aña pa fortalece e relacion. E tabata uno cu hopi aventura y unico door cu nan a siña conoce otro na diferente pais. Sinembargo nan relacion a sufri hopi ora frontera a wordo cera entre Aruba – Venezuela y despues cu e pandemia.
Ambos ta entrepreneur, Tamara (40) den area di marketing na Aruba, y Peter (42) den area di import/export na Venezuela. Nan a keda enfoca den nan trabou y no a worry hopi cu e relacion pa algun aña, pero si nan a keda cu e amistad. Den un biahe na aña 2023 nan relacion a wordo reestablece ya cu ambos tabata desea mesun cos y no kier a perde mas tempo.
Na juli 2024 durante un bishita na Colombia acompaña pa algun familiar, e compromiso a tuma luga na e situo turistico conoci como Guatape. Cu hopi emocion, Tamara y Peter a casa riba 15-01-2025 na e unico restaurant giratorio na Maracaibo, Venezuela cu yama El Girasol na Hotel El Paseo durante un ceremonia civil hopi intimo, sigui pa un cena acompaña cu mariachi.
Cu hopi emocion nan ta corda con den e lobby di e hotel Inter na Maracaibo nan a wak otro pa prome biaha den nan vestuario cu lo hiba nan como esposo y esposa. Den Focus Digital Magazine di februari, Tamara y Peter ta comparti nan bunita album y otro detayenan mas di nan enlace. E revista ta accesibel via Apple Store, Android Google Play Store y www.focus.aw (Menu Tab FOCUS DIGITAL)
Download bo revista awo!
