Aruba Airport Authority N.V. (AAA) ta contento pa anuncia e ganadonan di potret y video di e competencia “Spotters Day”, reconociendo creatividad, talento y e pasion sobresaliente dentro di e comunidad di fotografo di aviacion di Aruba.
Ta organisa “Spotters Day” pa fortalece e conexion entre Aruba Airport Authority y e comunidad di fotografo di aviacion di Aruba door di duna acceso exclusivo tra’i cortina, ofreciendo e fotografonan oportunidad di capta e
momentonan unico den aviacion na un manera sigur. “Spotters Day” di e aña aki un bes mas a trece hunto e fanaticonan di aviacion y fotografonan cu a captura e dinamismo di e operacionnan na Aeropuerto Internacional Reina Beatrix. E participantenan a demostra nan miho trabou den diferente categoria, destacando e cultura activo di aviacion na Aruba.
Miho Spotting Image
E categoria aki ta celebra e autenticidad y bunitesa di “spotting” di avion. A husga e potretnan basa riba e habilidad tecnico y e habilidad pa capta e momentonan real di aviacion manera ta sosode naturalmente.
Prome luga – Aschwin Maduro
Di dos luga – Robin van Veghel
Di tres luga – Jeremy Vrolijk
Premio elegi door di publico
E categoria special aki tabata habri pa publico a traves di un competencia di votacion online cu a tuma luga riba e Facebook di Aeropuerto di Aruba. Comunidad a “like” nan potret faborito.
Prome luga – Elisha Geerman
Di dos luga – Robin van Veghel
Di tres luga – Sharity Maduro
Miho imagen creativo
E categoria aki ta destaca e expresion artistico, invitando e participantenan pa transforna aviacion den obranan di arte imaginabel.
Prome luga – Michael Salazar
Di dos premio – Sharity Maduro
Di tres premio – Robin van Veghel
Miho reel creativo
E categoria aki ta reconoce e creatividad sobresaliente den video. E participantenan a entrega video cortico di e dia special aki.
Ganado – Jeremy Vrolijk
“Spotters Day ta sigui resalta e talento di nos comunidad di aviacion”, asina Marylin Feliciana, Marketing & Communications Manager na Aruba Airport Authority, a expresa. El a continua bisando cu: “E potretnan y videonan di e aña aki ta demostra un bes mas e beyesa di aviacion di Aruba y e pasion di esnan cu ta dedica nan tempo pa capta e momentonan inolvidabel aki.”
AAA ta extende palabra di pabien na tur ganado y participante. Boso creatividad y entusiasmo ta yuda comparti e storia di aviacion na Aruba cu mundo. Haya sa mas di loke ta sosode na AUA Airport door di bishita www.airportaruba.com y conecta cu AUA Airport riba Twitter.com/Aruba_Airport, Facebook.com/ArubaAirport, Instagram.com/arubaairport, TikTok.com/@arubaairport y Linkedin.com/ArubaAirport.
