E meta principal di Ryon Dijkhoff ta plantia un marca unda tur persona na Aruba por sinti orguyoso di e nificado di moda Arubiano. Cu e caracter, calidad y curason di cada pieza ta netamente nos isla. E print di e “Mata di Druif Shelo” ta captura e esencia di e coleccion Nostalgia, cu ta recorda su creador na su infancia, cu e ta kere hopi di nos ta identifica cu ne. Tin hopi elemento di orguyo, sentimento y originalidad den Nostalgia. For di e canto di lama te cu e lama di Aruba pa e mata di druif y e pelican riba e scarf.
E telanan den e coleccion aki ta loke usualmente Ryon ta uza, pero cu un dominio mas riba telanan fresco, siluetanan liber y practico. Apart cu e ta conoci pa su prints cu e ta diseña, el a lansa tambe un linea di colornan solido pa ofece mas variedad na e clientela. E tin tambe un calidad nobo di swimwear cu a ser lansa, cu lo ta disponibel desde mitar di april den tienda. Ademas cu hopi persona conoce su silk scarves, pero awo ofreciendo un otro tela “Modal” cu ta mas fresco y casual, pero cu e mesun bunitesa y diseñonan di Maison Ryon Aruba.
Semper den tur aspecto creativo Ryon ta kere den loke e ta crea. Su vision ta cla y ta wordo adapta cu consciencia. Sinembargo e ta keda semper ‘spannend’ ora e coleccion ta riba pasarela, pero e reaccion di e publico na Fashion Soirée tabata impactante. Momento cu Ryon tabata tende grito, aplauso y e ‘gasp’ te backstage, e tabata sa cu el a crea algo cu nificacion, curason, clase y impacto. Ora el a sali na final e publico a lanta para, apoy’e cu aplauso y grito. Con e energia ey ta yena Ryon di orguyo ta algo inexplicabel.
Stage & Backstage Team: Jennifer Nicolaas, Maya Maduro, Ryon, Nabhilach de Palm, Leonie Nicolaas y Swesdy Beeldsnijder
Liza Blok, Ryon Dijkhoff y Lisbeth Mendoza
hunto cu Eva Boutique backstage team
Mandy Leijenaar, Ryon Dijkhoff y Melissa Geerman
Jennifer Nicolaas, Noa Bakhuis, Ryon y Leonie Nicolaas
Adri de Palm, Ryan Davis, Patti Davis, Nabhilach Davis de Palm, Nancy de Palm, Ryon Dijkhoff y Diana Arias
Un di momentonan behind‑the‑scenes cu a capta e espirito di e esencia di e coleccion ta e infancia di Ryon Dijkhoff, cu e ta kere hopi di nos ta identifica cu ne. Na e fashion show por ehempel Arya y Nolan di Vecchia cu tabata e dos muchanan cu a lansa Nostalgia 2026 den december 2026 na Miami Art Week y riba rednan social, a habri e evento coriendo manera den e video unda nan ta core riba nos santo blanco te na canto di lama. E espirito aki di energia, felicidad na Aruba y simplicidad den existi tabata un momento bunita pa Ryon durante e show.
Paula Acosta
Claudia Simmons
E coleccion no tin un pieza cu ta sinti special pa su creador, pero e ta un print cual ta e “Mata di Druif Shelo” cu ta captura e esencia di Nostalgia. E feeling tempo di su infancia cu Ryon tabata drumi bou di un mata di druif, trankil, na paz of ora e tabata hunga bou di nan e felicidad cu e tabata sinti. Ryon Dijkhoff ta comparti su storia y galeria di potret den Focus Digital Magazine di e luna aki, cu ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
