DETAYENAN CU TA EXPRESA: “LOKE TA HACI BO CAS MUSTRA CARO… OF MAS BARATA”

Tin biaha nos ta kere cu tin un cas bon decora ta significa gasta hopi placa. Pero e berdad ta cu e detayenan chikito por haci tur e diferencia entre un espacio cu ta sinti cozy, elegante y cuida, y uno cu sin kier ta transmiti descuido of un estilo no actualisa.

Den e articulo aki nos ta conta ki elementonan decorativo ta kita balor visual na bo hogar… y kico bo por haci pa eleva bo cas sin gasta un fortuna.

Loke ta baha balor visual di bo cas: Tin cosnan cu pa mas popular cu nan ta mustra ta haci bo cas mustra barata. Y nos no ta papia solamente di e parti economico, sino di loke e decoracion ta transmiti ora tin  exceso, desbalansa of materialnan di poco calidad.

1. Cortina demasiado cortico of briyante

Un cortina cortico ta duna e impresion cu e tabata mal escogi. Pio ainda si e ta di tela  sintetico cu briyo of di colornan intenso. Scoge cortinanan largo te na vloer den tononan neutral y cu un bon caida. 

2. Cusinchi cu frase cliché of emojis

Nos sa cu “Home Sweet Home” ta zona lief, pero den decoracion ya e ta pasado. E cusinchinan cu frase of dibuho gracioso por haci cu e espacio por mustra infantil of poco sofistica.

3. Paña di cama cu print sobrecarga

E camber mester invita bo pa descansa. Evita laken cu dibuho yamativo of color vel. Na su luga, eligi textil liso of cu textura den tono suave manera blanco, arena of shinishi cla.

Luz LED biña, blauw of cora rond di television of plafond ta kita elegancia. E luznan ta perfecto pa un fiesta of pa un camber hubenil, pero no pa un espacio unda ta comparti momentonan special. 

5. Vloer of muraya cu vinyls cu ta imita azuleho 

Stickers cu ta imita azuleho of marmer ta mustra falso y ta bira bieu mahos si nan no ta di bon calidad of bon poni. Ta miho opta pa un muraya geverf den color neutral of  lag’e limpi.