Bucaramanga ta e capital di e departamento di Santander na Colombia. Su origen ta data for di 22 di december 1622 tempo el a wordo funda pa e capitan Spaño Andrés Páez de Sotomayor y e sacerdote Miguel de Trujillo.
Inicialmente el a surgi como un acuerdo destina pa uni comunidadnan indigena di e region bou di administracion colonial Spaño. Durante siglo 17 y 18, Bucaramanga a desaroya pocopoco como un ciudad chikito dedica principalmente na agricultura y comercio local.
Den siglo 19 despues di independencia di Colombia, el a conoce crecemento economico impulsa pa produccion agricola, specialmente tabaco y koffie como tambe pa su ubicacion strategico riba e rutanan comercial di noordoost di Colombia.
Na 1886, el a wordo reconoce como e capital di e departamento di Santander, loke a fortalece su importancia politico y administrativo. Durante henter siglo 20, e stad a pasa den un proceso di modernisacion caracterisa pa expansion urbano, desaroyo industrial y mehoracion na su infrastructura educativo y di transporte.
Awendia, Bucaramanga ta conoci como “La Ciudad Bonita” di Colombia pa su parkenan, clima agradabel y calidad di bida. E ta tambe un centro economico, universitario y empresarial grandi di e pais, cu un influencia significante den e region Andino di Colombia.
Cu e vuelonan directo cu WINGO pa Bucaramanga awor por probecha pa explora e bunita ciudad aki. E vuelonan ta inicia dia 17 juni tur siman riba diaranson y diasabra. E ruta aki lo ta temporal for di 17 juni te cu 15 di augustus. Den Focus Digital Magazine di juni tin e top atraccionnan turistico na Bucaramanga. E revista ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
