Desde Veronica Pichardo su coronacion como Miss Supranational Curaçao 2026, e tabata un proceso di crecemento y di conoce su mes siñando cosnan nobo. Como artista el a pensa di no por a competi den un certamen di beyesa, pero e ta kere cu tur cos ta pasa pa un motibo. E confiansa cu el a logra gana den su mes ta algo cu e ta sumamente orguyoso di dje. Veronica su reto di mas grandi tabata pa kere den su mes 100%. Sinembargo ora e wak bek anto mira con leu el a yega, e ta un sentimento sumamente great con el a supera tur obstaculo.
Veronica cu su 25 aña di edad ta defini su mes como un persona di diferente habilidad pa e por haci e trabou di empodera otronan na un otro manera. E mundo di beyesa ta p’e no solamente loke e ta presenta fisicamente, pero tambe inteligencia y perspectiva di bida cu ta hopi importante. Ta riba un escenario internacional como miss tabata un di su soñonan y ta kere cu el a haya e chens di representa su isla na un manera solido. E ta un responsabilidad grandi cu e ta carga cu hopi determinacion y dedicacion.
Veronica Pichardo ademas di su carera artistico ta hurista terminando su master’s degree den derecho priva, negoshante y Miss Supranational Curaçao 2026, cu lo competi 31 juli na Polonia. El a cuminsa canta cu 9 aña y el a crece den e mundo di musica door cu su tata ta guitarista y artista. Su mama ta un artista di arte profesional y door di su mayornan semper e tabata rondona di musica y arte, cu a converti den su forma di expresion.
Veronica a crea ‘Na Man Art Studio’ cu ta un espacio unda ta duna workshop pa traha ceramica y bela. E ta kere cu arte ta un forma di terapia y su deseo ta pa promove esaki. A traves di su fundacion “Na Man for Good” e kier implementa e crecemento y formacion di hobennan den e area di arte, musica y empresarial. Ta algo cu el a cuminsa for di jong y cu te dia di awe a yud’e inmensamente den su crecemento. Veronica kier duna nan e oportunidad cu kisas nan no lo tin.
Den Focus Digital Magazine di juli Veronica Pichardo ta ilustra e portada cu su beyesa y ta revela un secreto cu e no a comparti ainda publicamente. E revista ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
