Den un mundo unda hopi biaha ta relaciona sensualidad cu mustra mas curpa, logra mas “likes” of atrae mas atencion, nos por puntra nos mes un pregunta importante: Kico ta pasa si nos a confundi loke realmente ta sexy?
Talbes sensualidad no ta loke bo bisti.
Talbes sensualidad ta loke bo ta refleha.
Elegancia tin un idioma di su mes.
E no ta grita pa wordo mira.
E no ta busca aprobacion.
E no ta competi cu ningun hende.
E simplemente ta yega.
Un muhe elegante no mester demostra cu e ta bunita.
Su presencia ta papia prome cu su palabranan.
E ta compronde cu misterio ta mas atractivo cu mustra tur cos.
E sa cu respet pa su mes ta mas iresistibel cu busca agrada tur hende.
Y curiosamente, e tipo di sensualidad aki nunca ta sali for di moda.
Hopi muhe ta pasa añanan tratando di “mustra sexy” mientras cu nan ta lubida desaroya e cualidadnan cu naturalmente ta crea atraccion. Paso atraccion no ta algo cu bo por fabrica.
Atraccion ta algo cu ta ser transmiti y un bon postura ta comunica prome cu bo habri bo boca. Elegancia no tin nada di haber cu edad. Un muhe di binti aña por sinti insigur y trata hopi duro pa wordo nota. Mientras cu un muhe di sesenta aña por yena un espacio cu solamente su calma, su sonrisa y e manera cu e ta move.
Pakiko? Den Focus Digital Magazine di juli, Dina Alexander ta enfatisa cu talbes e pregunta pa e luna aki no mester ta: “Con mi por mira mas sexy?” Talbes e pregunta mester ta: “Con mi por bira un muhe cu ta move, papia, scoge y biba cu mas elegancia?” – E revista ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
