Un di e proyectonan mas exigente di Gwen Anderson tabata The Holy Call Center. E instalacion a encera transforma varios telefon antiek, busca miles di fragmento y pone na man cada detaye hunto. Cada telefon tabatin mester di su propio personalidad mientras e tabata contribuyendo na un instalacion mas grandi. E tabata kier pa cada telefon sinti manera un bos individual mientras e ta bira parti di un combersacion mas grandi tocante creencia, comunicacion y e deseo humano pa wordo scucha. E exposicion “Connecting the Pieces” na Museo di Kòrsou a ser forma for di un pregunta cu a sigui Gwen pa gran parti di su bida.
E pregunta aki tabata con nos ta duna sentido na e experencianan cu ta forma nos? Gwen su mayornan tabata refugiado politico di Dutch East Indies y nan mester a laga tur cos atras. Despues mudando pa Curaçao cu diestres aña y biba na varios pais a reforsa su sintimento cu identidad ta algo asambla y cu ta evoluciona constantemente. Den su bista, ta esencial pa nos uza tur loke bida ta tira riba nos pa crece. Di mes manera, e exposicion “Connecting the Pieces” ta trece hunto mosaik, escultura, obranan encaustic, obhetonan haya y un variedad di pieza mixto. Su interes ta den recoge e fragmentonan y historianan pa trece nan hunto den un solo obra, dunando nan nificacion nobo. Mas cu tur cos, e exposicion aki ta un invitacion pa reflexion, imaginacion, dialogo y crecemento.
Aunke el a traha como mixed-media artist pa hopi aña, Gwen a descubri e tecnica di pique assiette durante su estudionan di Fine Art Arte na London. E termino Frances ta traduci mas of menos como “stolen plate” y ta referi na e uzo di ceramica y glas kibra. Loke a fascin’e tabata e idea cu algo kibra y descarta por bira algo completamente nobo. Cada fragmento di porcelana a biba un bida caba y treciendo e fragmentonan ey hunto ta cord’e con nos ta construi nos mes bida for di recuerdonan, relacionnan y experencianan. Un di e prome obranan cu e ideanan aki a bini hunto tabata The Holy Phone, un liña di yudansa dibertido pa e divino. E bishitantenan por paga pa haci e preguntanan di mas grandi di bida y si nan scucha cu atencion kisas ta descubri cu e contestanan ya ta den nan caba. Sinembargo si niun hende no contesta, nan ta haya nan placa bek.
E proceso creativo for di idea te na e piesa final ta cuminsa masha poco biaha cu un plan. Normalmente e ta cuminsa cu curiosidad. Gwen Anderson pa añanan largo a recoge fragmentonan di porcelana, joyas, potret y otro obhetonan cu ta capta su atencion. Mayoria ta parce no relaciona na prome instante, pero cu tempo conexionnan inespera ta aparece. E ta pasa hopi tempo buscando. Un cop’i te kibra, un pida di Delftware of un adorno bieu por lanta un recuerdo of sugeri un direccion nobo. En bes di forsa e material den un idea, Gwen ta purba scucha kico e kier bira. E resultado final hopi biaha ta sorprende. Traha arte ta sinti manera un colaboracion entre imaginacion, intuicion y e historianan cu ya ta incorpora den e materialnan.
Gwen su soño ta pa “Connecting the Pieces” sigui su biahe mas aleu cu Curaçao y haya publico nobo den e museonan di ceramica of arte moderno. Na mes momento, e ta wordo atrai mas y mas pa crea obranan riba un escala publico mas grandi. Den Focus Digital Magazine di juli, Gwen Anderson ta conta cu e lo kier expande e Proyecto ”Holy Phone” mas aya di e museo y crea instalacionnan cu hende ta topa inesperadamente den espacio publico, paisahenan of hasta bou di awa. E revista ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
