Durante luna di september, Museo di Kòrsou tin diferente actividad gratis caminda arte, cuentanan y patrimonio cultural di Corsou ta para central. For di crea memey di e exhibicion solo “Rumbo i Rais” te na comparti cuentanan di Kompa Nanzi bou di un di e palonan grandi di tamarein den cura di museo. E artista David Paulus ta duna e tayer Hilo, Hangua, Tela y Baluarte, cual ta gratis pa tur persona interesa pa participa. E tayernan ta tuma luga memey di su propio exhibicion solo “Rumbo i Rais”. Rondona pa e obranan di Paulus, e participantenan ta traha cu hangua, hilo y tela pa crea un retrato di un persona cu nan ta admira of cu ta inspira nan. E tayer ta e siman aki diarason 16 di september y diasabra 19 di september.
Museo di Kòrsou ta orguyoso di ta anfitrion e luna aki pa e programa mensual “Bou’i Pal’i Tamarein di Kurashi”. E edicion aki lo tuma luga bou di un di e palonan grandi di tamarein den cura di museo, cu Cuentanan di Kompa Nanzi como tema. Museo di Kòrsou tin un Nanzi blauw grandi den su hardin y ta presta atencion na Kompa Nanzi regularmente via di speurtocht caminda por busca e yiunan di Kompa Nanzi y Shi Maria den Museo. Esun cu paga tino bon ta ripara cu Kompa Nanzi ta drumi henter dia den un hamaca den e Kas di Pal’i Maishi na Museo di Kòrsou caminda e ta trama su plannan con pa e coy Shon Arei of Cha tiger cabes abou. Jeroen Heuvel y Guineta de Palm lo hiba e publico den mundo di Kompa Nanzi y papia tocante e balor y luga di e cuentanan aki den e tradicion oral dia 24 di september.
