Lisbeth Thijsen y Ramesis Ras a invita e famia pa ta presente pa asina comparti e noticia di e yegada di nan baby. Na e prome instante e tabata un sorpresa pasobra ken por a spera cu Lisbeth ta haya un baby despues di 20 aña. Despues tur hende tabata hopi contento y esaki tabata un momento leuk y spannend pa e pareha. E baby ta e promesa di nan union y nan lo tey pa yude explora e mundo cu ta warde: “He or she is a Blessing”!
Pa e lectornan di revista FOCUS sin duda cu Lisbeth Thijsen ta un persona hopi conoci y tabata e covergirl pa edicion di juli 2017 cual ta e luna cu ta enfoka riba salud y bienestar. Hunto cu su yiu muhe Nicole cu actualmente ta studiando na Hulanda nan tabata hunto den e revista. Pa Lisbeth su segundo embaraso ta un experiencia completamente nobo despues di 20 aña di a duna luz na Nicole, cu sigur ta yene di alegria. Momento cu el a haya sa cu e ta na estado mesora el a pensa riba su yiu muhe, cu e lo tin un ruman cerca dje. Cu e famia lo crece y cu un bendicion asina grandi a yega den nan bida.
E bida di Lisbeth a cambia hopi tanto emocionalmente como fisicamente. E ‘caring’ pa e relacion ta mutuamente y nan ta comparti mas cu normal debi cu tur actividad ta menos. Lisbeth su curpa no ta manera antes y e ta cansa mas lihe mientras cu ta adaptando na e crecemento di e baby. E famia ta atento den tur forma cu e preparacionnan, cu casi por bisa cu e ta manera Lisbeth ta haya su prome yiu. E ta buscando tur tipo di informacion y lesa hopi ya cu tur cos a cambia y no ta manera antes mas.
Durante henter e etapa di Lisbeth su embaraso e ta hopi uni cu Nicole riba cada proceso. Aunke riba un distancia leu e ta presente pa comparti, manera e prome echo di su futuro ruman cual ta significa hopi. E baby ta uitgeteld pa dia 15 di maart y tin nomber scogi caba sea ta un baby boy of baby girl. E scogemento di e nomber pa e baby tabata un momento hopi leuk y pret via un video call entre Lisbeth, Ramesis y Nicole hunto cu su pareha. E baby ta e di dos yiu pa Lisbeth y di tres pa Ramesis. Nan deseo prome cu tur cos ta pa e baby bin cu salud y sigur e ta amor di nan dos y esunnan mas cerca di nan.
