Sharleen como docente y coach di transicion, ta enfoca riba e personalidadnan, deteccion di talento y desaroyo. Su mayor pasion ta di inspira y guia otro pa obtene claridad den nan “personal branding” y asina crea y construi nan herencia. E ta saca afo locual ta haci nan unico, yuda nan defini nan aspiracionnan, cumpli nan obhetivonan y diseña e strategianan pa nan ta reconoci, door di e personanan cu mester wordo influencia.
Sharleen despues di traha 9 aña den e area di educacion, a lansa su propio negoshi “InSync Koach”. InSync ta significa ‘traha bon hunto’ y Koach significa ‘Potencial’. Awendia, Sharleen ta ofrece workshop na e organisacionnan cu kier involucra, motiva y retene nan miho talentonan. E crecemento y desaroyo di e ser humano ta e yamada mas halto den liderazgo.
Sharleen ta awe dia 8 di maart na Centro di Playa Pabou di 7or pa 9or di anochi pa presenta “Bo ta yama pa cana den Victoria”. E lo ta hunto cu Rekha Croes-Daryanani y Jaritza Correa unda nan lo enfoka y elabora riba e area di ‘inclusion’. E grupo “One and a Million Reasons” ta bou liderazgo di Sharleen Tromp unda e ta guia un grupo di hende muhe profesional, pa nan yega na nan mayor potencial pa logra nan proposito den bida.
