Aruba Bank oficialmente a haci donacion na Fundacion Siñami Paso pa Paso Aruba. Actualmente e fundacion ta conta cu un total di nobenta (90) miembro cu ta depende di donacion di otro instancia pa por sigui ricibi guia.  Den e cuadro aki Aruba Bank a contribui pa yuda cuarenta (40) mucha incapacita, cu ta hopi vulnerabel, di edad cu ta varia entre 6 te cu 14 aña. E donacion lo yuda e fundacion duna workshops na gruponan, cu ta consisti di maximo 5 mucha cada un,  pa un termino di 2 siman largo, 3 biaha pa siman. E workshop lo enfoca entre otro riba desaroyo social, comunicacion y amor propio.

E fundacion a wordo estableci na 2009 cu e meta pa provee terapia di papia y lenguahe, logopedia, servicio psicologo, programa di tarea pa muchanan incapacita, programa pa stimula baby y muchanan desde comienso, terapia educativo y alternativo y un programa di tarea na cas pa muchanan cu ta incapaz di siña. Aruba Bank, den cuadro di su pilar strategico WeCare a percura pa e fundacion por sigui cu su trabou durante di e situacion extraordinario cu nos tur ta bibando. Aruba Bank ta sumamente contento di por duna bek na esnan mas vulnerabel den nos comunidad. Pa yuda Fundacion Siñami Paso pa Paso Aruba, por manda un email na: [email protected].

LEAVE A REPLY

Please enter your comment!
Please enter your name here