La actriz y modelo venezolano, Norkys Batista, a casa den fin di siman pasa cu e empresario, Alexis Goncalves, na Miami. E celebracion tabata na Mon Petit Garden, unda el a luci un shimis di bruid diseña pa e diseñador zuliano Douglas Tapia. Un ceremonia cu a ser transmiti live via e canal di YouTube di Norkys, cu a yega hunto cu su yiu homber, mientras cu un saxofonista tabata toca. E unoin di e pareha a ser realisa pa e ex-alcalde di Doral, Luigi Boria. Na e casamento a asisti amigo- y famianan di e pareha y un sorpresa di e anochi tabata e presencia di e ex-casa di Norkys, cu ta e dentista Leonardo Luttinger. Nan a presente como e padrino di e union nobo y el a brasa Norkys y e yiu di ambos Sebastian.
Na e celebracion a canta Nelson Arrieta, el “Pollo” Brito, Oscarcito y Ronald Borjas, E actriz y modelo a luci espectacular den su shimis di bruid y e diseñador a post riba su rednan social: “Realisa e shimis pa @norkys_batista a tuma mi di sorpresa, cu un ‘Mi ta casa den dos siman’, y mi kier pa bo haci mi shimis, e tabata un si rotundo! Sin sa con pa mande y hacie den un tempo record, sin haci prueba, tur cos a bay via video chat. Den 3 dia a haci magia…Tur hende na Venezuela sa con complica ta pa manda un shimis Miami den menos di un siman.
E shimis memey di hopi diligencia a logra yega diahuebs 3or di atardi net 24 ora prome cu e bruid. E resultadonan ya boso sa… E compromiso di amor y amistad ta haci cu tur e episodionan ta magico, e diseñador a skirbi. Di parti di e actriz y modelo, el a skirbi: “Mi a stima mi shimis di @douglastapiaoficial… su trabou, el a hacie literal den 3 dia, despues el a haci e maniobranan pa e yega #Miami desde #Maracaibo #Colombia #Miami, y el a yega net e dia prome cu e boda, mi tabata super ansioso y nervioso, pero danki Dios el a yega”.
