Como un creador pasiona cu cinco aña di experencia dedica na picassiette, mosaik y ceramica, Donna Lee Oduber – Lejuez ta yen di entusiasmo cla pa comparti su trabou cu un publico mas amplio. Su trayecto artistico a wordo profundamente forma pa su tempo na Atemosa, caminda el a perfecciona su habilidadnan y explora e bunita intercambio di color, textura y materialnan.
Picassiette, e tecnica cu ta combina e arte di mosaik cu pidanan di ceramica kibra, a permiti’e expresa su fascinacion uzando nan bek pa un proposito nobo. Cada pida ta conta su propio historia y asamblando nan cuidadosamente, Donna ta crea composicionnan vibrante cu ta duna bida nobo na obhetonan cu ta parce lubida. E mosaiknan ta refleha no solamente su vision estetico, pero tambe un celebracion di individualidad y e bunitesa di imperfeccion.
Ademas di Donna su trabou di picassiette, el a bin ta explora e bunitesa tactico di ceramica. E proceso di forma piesanan di klei y glas ta dun’e un sentido inmenso di alegria y satisfaccion. Cada creacion ta un testimonio di pasenshi y perseverancia, encarnando e ekilibrio delicado entre forma y funcion.
Donna Oduber ta awor ansioso pa dal e siguiente paso den su carera artistico, buscando oportunidad pa un exposicion mas grandi. Sea pa medio di exhibicion, colaboracion of proyectonan comunitario. E ta spera di por conecta cu coleganan artista y amantenan di arte, cu ta comparti pasion pa creatividad y innovacion. Donna ta asina agradeci cu Tito Bolivar a acerc’e pa participa na Aruba Art Fair y el a dicidi finalmente cu si ta tempo. Esaki ta su debut den Art Fair y ta invita tur hende pa pasa na su booth B03 den caya na San Nicolas.
