Peru ta un pais hopi bunita y interesante den Sur America. E ta conoci pa su historia, cultura, naturalesa y cuminda exkisito. Pa un persona cu ta planea un vakantie, Peru ta un destino cu tin hopi cos pa ofrece. Bo por bishita luganan historico, experencia aventura den montaña, disfruta di beach, explora desierto, purba cuminda tradicional y conoce e manera di biba di e pueblo Peruano.
Un di e actividadnan mas popular na Peru ta bishita Machu Picchu. Esaki ta un ciudad antiguo di e civilisacion Inca, situa den e montañanan cerca di Cusco. E luga ta impresionante pasobra bo por mira murayanan di piedra, terasanan y un paisahe espectacular.
Despues di bishita Machu Picchu, bo por explora Cusco, un ciudad historico cu hopi edificio antiguo, plasa y cayanan chikito. Cerca di Cusco tin tambe Sacsayhuamán, un sitio arkeologico cu murayanan enorme di piedra. Bo por keiro riba Plaza de Armas, bishita iglesianan y mira arkitectura colonial.
Si bo gusta aventura, bo por haci hiking den Andes. Peru tin hopi montaña y caminata pa diferente nivel. Un di e luganan cu ta hopi popular ta Rainbow Mountain, e montaña ta conoci pa su diferente color natural. Un otro experiencia bunita ta bishita Valle Sagrado. E area tin montañanan, riunan, campiñanan y pueblonan tradicional.
Bo por bishita Pisac, mira su mercado local y cumpra artesania traha na man. Bo por tambe bishita Ollantaytambo, un pueblo cu ta conserva hopi di su arkitectura Inca. Pa esunnan cu gusta aventura, tin opcion pa cana, core baiskel y excursionnan den e montaña.
Si bo ta mas interesa den ciudad y gastronomia, bo mester pasa na Lima, e capital di Peru. E ta moderno cu hopi restaurant, museo, tienda y luganan historico. Na Miraflores bo por cana band’i lama, disfruta di e bista y bishita restaurantnan. Barranco ta tambe un bario interesante, specialmente pa hendenan cu gusta arte, musica y fotografia.
Pa e bishitantenan cu kier algo completamente diferente, Huacachina ta un oasis den e desierto cerca di Ica. Bo por haci un tour den buggy, core riba e santo y purba sandboarding. E atardecer, e bista di e solo ta baha riba e desierto ta espectacular y ta un bon momento pa saca potret.
Bo por tambe bishita e famoso Nazca Lines. Esaki ta un grupo di dibuhonan gigantesco den e desierto, cu tin figura di animal, mata y diferente forma. E dibuhonan ta hopi grandi cu nan ta mas facil pa mira desde ariba. Un vuelo riba e Nazca Lines por duna bo un bista unico di e dibuhonan y ta un experiencia cu bo lo recorda.
Peru tin tambe un parti grandi di e Amazonas. Si bo ta un amante di naturalesa, bo por bay den e selva Peruano y explora e ecosistema. Bo por haci excursion den boto, observa parha, macaco y otro animalnan, y mira diferente tipo di mata.
Durante bo biahe, ta importante pa respeta e cultura local. Peru tin hopi tradicion cu ta varia segun e region. Bo por conoce artesanonan local, cumpra souvenir traha na man y siña tocante e historia di e comunidadnan. Tambe ta importante pa trata sitio historico cu respet y sigui e reglanan di e luganan cu bo ta bishita.
Naturalmente un vakantie na Peru no ta completo sin purba e cuminda Peruano, cu ta famoso y tin diferente plato pa descubri. Bo por purba Ceviche, Lomo Saltado, Causa, Anticuchos, Aji De Gallina y pa bebe ta e Chicha Morada. Un tour gastronomico ta un bon manera pa conoce mas di e cultura Peruano a traves di cuminda.
Peru ta un destino cu tin algo pa casi tur bishitante y por haya mas informacion den Focus Digital Magazine di September. E revista ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL). Bishita Peru biahando cu LATAM AIRLINES cu ta bula directo diariamente for di dialuna pa Diadomingo 1 biaha pa dia. Cumpra bo ticket y disfruta di un vacacion inolvidabel. Bon Biahe!
