Hopi hende muhe a crece cu un mensahe contradictorio tocante sexualidad: bo mester ta atractivo, pero no demasiado sexual. Bo por ta deseabel, pero no papia demasiado tocante bo propio deseo. Bo mester conoce con pa satisface otro, pero si bo ta curioso tocante bo propio placer… diripiente tin berguensa.
E sexinista y coach, Dina Alexander, ta haci un pregunta un tiki pica den su segmento di e luna aki den Focus Digital Magazine.
Bo a yega di tin un fantasia cu a laga bo pensa: “Señor… ta AMI a pensa esaki?”
Bo pensamento no a firma ningun contract.
Y asina ta nace e famoso “good girl”.
E muhe cu ta comporta bon mucha.
Cu no ta pensa e cosnan ey
Cu no ta bisa demasiado
Cu no ta desea demasiado
Pero guess what?
“Good girls” tambe tin fantasia!
Fantasia ta parti di nos imaginacion sexual y emocional. Y un fantasia no ta automaticamente algo cu bo kier haci den bida real.
Bo por fantasia algo y nunca kier experimenta esaki.
Bo por ta curioso tocante algo sin cu e ta cuadra cu bo balornan.
Y bo por sinti excitacion pa un idea sin cu bo kier duna ningun hende permiso pa haci esey cu bo.
Fantasia, deseo, consentimento y accion ta cuater cos diferente.
E distincion ey ta importante.
Tin fantasia cu por touch un deseo emocional: sinti bo mes desea, liber, poderoso, admira, sigur of suficientemente confia pa los control.
Y tin otro fantasia cu simplemente ta… fantasia.
No tur pensamento mester bira un investigacion di FBI riba bo personalidad. 😏
Pero bo por uza bo fantasia como un oportunidad pa conoce bo mes miho.
Con? Purba e 4 preguntanan cu Dina Alexander ta comparti y esaki ta haci bo mas consciente, mas liber… y mas doño di bo mes. E revista ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
