Duchess of Sussex ta celebra awe 38 aña y el a ricibi un mensahe publico di su casa, prins Harry, riba su día special. Riba nan instagram, Sussex Royal, e Duke a skirbi: “Wishing HRH The Duchess of Sussex a very Happy Birthday. ‘Happy Birthday to my amazing wife. Thank you for joining me on this adventure!’ – Love, H.” E mensahe tabata acompaña pa un potret di Meghan cu a ser tuma durante nan tour na Marocco. Esaki ta un cumpleaño hopi special pa Meghan, ya cu e ta prome como mama, sin duda nan lo a haci algo memorabel pa celebra e ocasion cu Harry y su yiu Archie.
E realesa generalmente ta celebra nan cumpleaño den priva y e aña aki no lo ta diferente; probablemente nan lo a pasa diadomingo na cas na Frogmore Cottage cu nan yiu Archie y algun amigo cercano of famia. Tempo cu nan tabata ‘date’ na 2017, e prins a hiba Meghan un biahe pa Botswana pa su cumpleaño number 36, unda nan a campa bou streya y a disfruta di un ‘dream getaway’. Aña pasa e pareha a asisti na e bruid di nan amigo, Charlie van Straubenzee, riba e 37 cumpleaño di Meghan.
Meghan Markle a traha den un proyecto secreto cu British Vogue, e edicion special titula “Forces for Change”, cu ta presenta un coleccion di creadornan di cambio cu a supera e bareranan. E edicion di Vogue, edita pa Meghan, ta inclui tambe un combersacion sincero entre e Dukesa y ex primera dama di Estados Unidos, Michelle Obama, como tambe un entrevista cu dokter Jane Goodall, etholoog en primatoloog di renombre mundial, y prins Harry. Riba e tema aki, Meghan a bisa den un comunicado cu e ultimo 7 lunanan aki tabata un proceso gratificante, colaborando cu Editor-in-Chief di British Vogue, Edward Enninful, pa aborda e temanan cu ta enfoca riba balor, causa y personanan cu tin un impacto den e mundo di awendia. Cu e ta spera cu e lectornan ta sinti nan mesun inspira cu ne pa e forsa di cambio, cu nan lo haya den e paginanan den e revista.
