E famoso actor y cantante venezolano, Daniel Alvarado, a cay for di un trapi den su cas awe mainta sufriendo un golpi mortal na su cabes. Cu mas di 90 telenovela y 30 obra di teatro, Daniel Alvarado a inicia den e mundo di television cu e telenovela “La Cruz de la Montaña”, pero el a consagra su mes cu e personahe di Mauricio Lofiego den “La Dueña”, telenovela di José Ignacio Cabrujas.

El a actua den e produccionnan dramatico: “Alba Marina”, “La Revancha”, “Peligrosa”, “Pecado de Amor”, “El Perdón de los Pecados”, “Toda Mujer”, “Guerra de Mujeres”, “Mambo y Canela” y “Mi Gorda Bella”. Su ultimo participacion den telenovela tabata na 2014 den “La Virgen de la Calle”. El a protagonisa tambe peliculanan venezolano manera:  “Macu: la Mujer del Policía” y “Desnudo con Naranjas”, y el a participa den “De Mujer a Mujer”, “El secreto”, “Disparen a Matar”, “Sangrador” y “Río Negro”.

Den su bida personal, el a casa tres biaha, di su prome matrimonio e tin dos yiu; José Daniel y Luis; di su segundo matrimonio cu e actriz Carmen Julia Álvarez el a bira tata di Daniela y Carlos Daniel; di su tercer enlace a nace: Daniel Alejandro, Diego José y Calvin Daniel, fruto de su union cu Emma Rabbe. E actor di television, cine y teatro venezolano a nace na Maracaibo, estado Zulia, 12 de agosto de 1949. Daniel Alvarado a cuminsa su carera como cantante di gaita y el a bira famoso cu e interpretacion di e tema “El negrito fullero” di e agrupacion Cardenales del Éxito.

LEAVE A REPLY

Please enter your comment!
Please enter your name here