Diadomingo 7 di juli 2024, tabata un dia hopi special no solamente pa Kiwanis Internacional pero tambe pa e service clubnan local. Durante un Brunch cu toke Tropical Arubiano na Embassy Suites Aruba Resort, a tuma luga instalacion di e miembronan nobo y principalmente presentacion di e Kiwanis Club nobo, den presencia di invitadonan special pa e miembronan y tambe di clubnan di Kiwanis.
Un cambio a ser haci den e club cu anteriormente tabata conoci como Kiwanis Club of Young Professionals Aruba, cu awor a bira oficialmente Kiwanis Club of Trade Leaders Aruba (KCTL). Durante di e evento aki, KCTL a instala tur e miembronan cu ta consisti di 23 persona y ta lidernan den nan propio experticio den diferente ramo profesional.
Jomar Beschop – Treasurer, Sasha Ridpath – Education, Sherrelise Ras – Vice President, Stephanie Ras – Membership, Raynedrick Koolman – PR, Giovanni Ridderstaat – Youth & Community, Stephanie Daal – Secretary y Patrick Melchiors – President (A.I.)
E clubnan di Kiwanis ta trata di servicio. E nomber “Kiwanis” ta deriva for di nativo Americano cu ta nifica “nos ta comercio” of “nos ta comparti nos talentonan”. E spirito di comparti y duna ta e esencia di loke Kiwanis ta representa. Asina a yega na locual awe ta Kiwanis Club of Trade Leaders Aruba (KCTL). E nomber ta representa cada un miembro di e club: lidernan den nan propio negoshi, ramo profesional y of den nan propio servicio. Tur e miembronan aki tin e mesun deseo pa comparti nan experticio y asina hunto duna bek na comunidad.
Den Focus Digital Magazine di augustus ta haya informacion tocante Kiwanis Club of Trade Leaders Aruba (KCTL). E revista ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
