Berde oleifi ta un di e colornan cu ta resalta particularmente pa e temporada di Pasco y Aña Nobo. E color berde cla aki den tono tera a aparece den e coleccion di varios cas di moda. Berde oleifi tin un bentaha diferente: E ta mas yamativo cu preto, pero igual di facil di combina.
Shinishi
Shinishi ta un color hopi popular pa e temporada di december. E ta duna bo outfit un toke elegante y chic instantaneamente. Bo por bisti den e color aki un blusa casual, un blazer elegante of un bunita shimis sea casual of elegante. Shinishi ta combina hopi bon cu tononan maron, cora y hasta denim.
Caramel
Bruin caramel ta un color afectivo y suave, cu berdaderamente ta pertenece na e ultimo lunanan di aña. E ta duna bo paña instantaneamente un look stylish y elegante. Hopi biaha bo ta mira e color aki den sweater di lana diki, mantel largo y bunita tas of boots di cuero. E ta un color base excelente cu nunca ta bay for di moda.
Sea bo ta mesclando color, textura, kibrando reglanan of descubriendo bo silueta caracteristico, corda cu moda no ta tocante di sigui tur tendencia, pero pa sa di bisti cu proposito y biba bunita. Den Focus Digital Magazine e fashionista, Swesdy Beeldsnijder, ta trece den su segmento mensual “InStyle” loke ta resalta riba e escenario di moda globalmente. E revista ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
