E experiencia di e diferente biahenan di Elizabeth Johnson durante su preparacion pa e certamen di Miss Universe 2026, a yud’e sinti comodo den ambientenan desconoci. Cada entrevista, aparicion publico y encuentro nobo a ret’e pa adapta rapidamente, scucha y conecta. Cada experiencia a fortalece su confiansa y a siñ’e algo cu e por aporta na Miss Universe. Apesar di tur e cambionan cu Elizabeth a experimenta, e ta keda fiel na su mes. E kier crece y siña mientras e ta mantene su autenticidad.
Studiando derecho civil di Aruba, sigui pa un master’s den business management and administration, a siñe aborda problemanan desde diferente perspectiva. Elizabeth ta incorpora e parti analitico di un graduado den ley den su preparacion. E gusta compronde kico e ta haciendo y pakico, pero e ta siñando tambe pa confia den su mes ora no tin tempo pa considera cada detaye. Preparacion ta importante, mescos cu presencia. Miss Universe Aruba kier pa e hendenan conoce e persona tras di e cualificacionnan y sinti nan mes comodo papiando cu ne.
Elizabeth Johnson ta mantene su mes calmo mientras e ta balansa su responsabilidadnan publico y bida personal danki na su fe cu ta dun’e paz. Sabiendo cu Dios ta cu ne y confiando cu tur cos ta den Su man ta yud’e disfruta di e experiencia aki. Recordando e momentonan feliz cu su famia, sea ta nan vakantienan di ski of simplemente ta hunto, tambe ta dun’e paz. E ta traha tempo pa su responsabilidadnan y su bida personal. Ambos tin un luga y den e diferente partinan aki di su bida, e ta keda e mesun persona.
Su experiencia di bida cu a prepar’e pa maneha e presion di e titulo aki ta e competencianan di cabay, cu a siñ’e tocante preparacion y presion. El a siña pa keda enfoca, adapta y sigui ora cosnan no ta bay manera planea. Elizabeth Johnson ta riba portada di Focus Digital Magazine y ta comparti kico lo nifica p’e pa trece Aruba su prome corona di Miss Universe. E eleccion ta tuma luga dia 24 di november 2026, na José Miguel Agrelot Coliseum na San Juan, Puerto Rico.
Fadil Berisha
