E ex-beisbolista a haya un demanda di su ex-swa, ken ta sigura cu el a wordo afecta pa e negoshinan malo den real estate, cu el a haci hunto cu Alex Rodriguez. Recientemente, Jennifer Lopez den un video chat pa e programa ‘Today Show’, a bisa cu su curason ta un poco kibra door cu e mester a cancela su boda cu Alex Rodriguez. Ya nan tabatin algun plan genial, pero cu Dios tin un plan mas grandi, asina ta cu solamente mester warda y talbes esaki lo ta miho. Cu e mester kere cu asina lo bay ta!
Sinembargo awor e cantante y su pareha ta enfrenta un problema mas grandi, door cu e ex-beisbolista a wordo menasa pa su ex-swa cu un demanda miyonario, cu por destrui su patrimonio cu el a traha duro p’e durante hopi aña. E empresario y awor comentarista deportivo despues di hunga den Major League, ta calcula cu e tin un fortuna estima na 350 miyon dollar, acumula tanto den su carera como despues cu el a retira cu su inversion- y negoshinan nobo.
Recientemente a wordo revela cu un huez di estado di Florida a acepta e demanda di un ex-swa di Alex Rodriguez, cu ta sigura cu el a wordo perhudica pa e negoshinan mal haci den real estate cu nan a haci hunto. Aparentemente e deportista a tuma e ganashinan cu ta coresponde na su ex-swa y si e mester comproba esaki, e ex-beisbolista por perde te hasta cinco biaha e cantidad di placa cu su ex-swa a inverti.
Mientrastanto, e interprete di ‘On the floor’ ta bezig promocionando su programa nobo di television unda e ta hurado di baile ademas di ta apoyando e manifestacionnan, pa pidi pa caba cu e actonan di racismo y discriminacion riba su rednan social y cu donacionnan. Ademas e cantante a probecha e cuarentena pa traha riba e proyectonan nobo tanto musical como empresarial, cu ta encera su lineanan di paña, sapato y acesorio cu a resulta un gran exito.
