Estilo di cabey largo nunca ta bay for di moda, asina ta lubida e regla ya gasta cu ta bisa cu bo mester corta bo cabey ora bo yega 40. Cu un corte y cuido adecuado, e muhenan ta mustra fabuloso na tur edad. E triki ta pa haya e estilo adecua cu ta bay cu e forma di bo cara pa cabey largo y pa ta sigur cu bo cabey ta den bon condicion. Seca cu un bon blower ta crucial, uza un proteccion of serum pa proteha contra cayente, e miho shampoo y conditioner, y bishita un salon pa corta e puntanan.
Deshaciendo di e nocion cu cabey cortico riba 40 ta obligatorio, mas cu nunca e muhenan a scoge pa cabey largo, segun Jonathan Andrew, e embahador di e marca global di Fudge Professional ta enfatisa: “Cabey largo ta definitivamente un tendencia na e momentonan aki. Mi ta kere cu 2020 a duna mas hende e tempo pa pensa riba nan apariencia y unda nan kier bay cu ne. Pa e personanan cu ta considerando pa laga nan cabey crece of ta pushando pa tin cabey mas largo manera semper nan tabata kier, esaki ta e aña pa haci esaki”.
Algun celebridad cu ta luci espectacular cu nan cabey largo, y cu por ta un inspiracion pa laga e cabey crece pa un look nobo den 2021.
