E presidencia di SMAC pa Rusette Croes como hende muher ta un logro y cu e por “fill in the shoes” di un presidente saliente, cu a logra asina hopi pa Aruba su Carnaval. Rusette su forma di liderazgo ta uno di un persona cu ta scucha conseho y trek tur hende dilanti hunto cu ne. Semper e ta bisa y ta keda para firme riba su palabranan: “Bo so bo ta logra lo minimo, pero ora bo traha hunto bo ta logra hopi”. E ta kere fuertemente den su team, cu e ta considera como un famia.
Rusette na aña 2021 tabata pasando den un temporada no mucho facil den su bida personal, cual a pone duda si e ta participa den e parada di Carnaval. Aki el a cera conoci cu su gran amigo Darren van Ommeren. Semper e tabata puntra Rusette si e lo bay participa den parada si of no, cual semper el a haya un duda hopi chistoso dicon e kier sa di su bida personal. Na december 2021, el a yama Darren y a bis’e cu e no lo participa den parada y su contesta tabata: “Awel dushi, bo ta bin yuda mi den SMAC!”.
Na aña 2022, Rusette a yuda como boluntario y cu e encargo tambe di tur e otro boluntarionan. E aña despues a bin un puesto liber den board di SMAC, unda el a wordo acerca pa Raad van Toezicht pa tuma e puesto aki. Rusette na mitar di 2023 a bira un miembro independiente den e board di SMAC y el a fungi como e di dos secretario. El a wordo asigna pa coordina e evento di Prins cu Pancho den mesun aña ey, cual el a organisa 2 aña consecutivo.
Como e presidente actual di SMAC, Rusette tin un gran admiracion pa Darren, cu a ricibi un cuenta di banco den cora y hunto cu e board saliente a sa di draai esaki cu ganashi. Nan ta cumpli tur aña pa entrega e jaarrekening na ora y cu tur hende tin acceso na esaki riba nan website nobo www.isladicarnaval.com. Rusette Croes ta comparti den Focus Digital Magazine di October, cua ta un di e prioridadnan den su prome aña como president di SMAC. E revista ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
