Awe nochi den e teatro di Cage Night Club ta inicia pa 7’or e prome edicion di Muscle Festival, cu ta dirigi pa e artista Carlos Centeno. Ademas di e exhibicion di e atletanan mas destaca den e area di fitness na Aruba, lo tin presentacion di e cantante Costaricense Allan Flores Briseño y tambe e cantante Jhaddy V. Gomez. E publico lo bay presencia un espectaculo semi-acrobatico di e gimnasta Cubano, Juan Carlos Iglesias, cu lo ta acompaña pa Carlos Centeno.

Muscle Festival ta otorga 5 Premio unico na e atletanan participante:

1 & 2: Miho Espectaculo Individual – Femenino y Masculino
3 & 4: Atleta Mas Popular – Femenino y Masculino
5:  Miho Show Pareha

E proposito di Muscle Festival ta pa duna incentivo na e atletanan cu ya ta competi y tambe na esunnan cu ta indeciso pa participa den competencia, y e amantenan di e mundo di fitness pa proyecta sanamente. Di un forma sano y dibertido nan ta participa na e competencia, sin lubida e impacto cu nan lo tin den e hobennan di e comunidad di Aruba, mirando e bentaha di tin un fisico di deportista hopi balora ultimamente. 

Segun e organisado di Muscle Festival, Carlos Centeno, cu un di e otro obhetivonan di e festival ta pa conscientisa e poblacion di Aruba pa practica deporte, y asina baha considerablemente e fenomeno di obesidad masivo manifesta den e generacion nobo di e hobennan riba e isla. Carlos Ceteno ta gradici inmensamente e colaboracion di e patrocinadonan: Flora Market, Cheng Supermarket, Gianni´s Nutrition, Mario´s Sport, Oceanz, Andy Mendez, Jose Herrera, Humphrey Odor – Cage Nightclub, Caribbean Print, Mandara Spa, Doit Center y High Performance.

LEAVE A REPLY

Please enter your comment!
Please enter your name here