Dia 22 di april 2010, Colombia a perde un di e muhenan mas talentoso di television y modelahe, Lina Marulanda. El a tuma e decision triso di kita su bida, bulando for di bentana di e baño di su apartamento na di 6 piso, situa na Bogota. E morto di Lina Marulanda ta sigui ta un tema den actualidad, como parti di un generacion di e modelonan cu e Colombianonan semper ta recorda, su personahe semper ta spierta curiosidad y pregunta.
Lina ta Antioqueña cu prome di a cumpli 30 aña di edad, a tuma e decision inespera despues di a sufri un depresion pisa. Segun a ser bisa e tempo ey, cu e top model tabatin problema financiero y sentimental, sinembargo su famianan y otro hendenan cercano a prefera di mantene tur cos hopi priva. Awo despues di 12 aña cu el a muri, a sali riba e rednan social cu lo tin un telenovela of serie riba e bida di Lina Marulanda, incluso ya a menciona cual lo bira e elenco estelar.
E presentador di TV, Carlos Ochoa, a publica riba su Instagram algun detaye riba e posibel futuro produccion, unda el a bisa cu Paulina Vega – Miss Universe 2014 – lo personifica Lina Marulanda, y tambe como parti di e elenco artistico, e actornan ‘Lucho’ Velasco y Carlos Torres. Nan lo uni pa ofrece e plataformanan di e bida di e famoso presentadora y modelo.
