Ta net un aña pasa cu e fanaticonan real a congrega na Windsor pa forma parti di e boda real di e Duke y Dukesa di Sussex. Pa nan prome aniversario, prins Harry y Megan a comparti algun potret cu no a ser mira nunca antes, riba nan instagram SussexRoyal. E potretnan ta parti di un montahe di un video, cu tin diferente potret cu como fondo e musica “This Little Light of Mine, cu e pareha real a scoge. Entre e potretnan por mira di Meghan y su mama Doria, Prins Harry y Prins William, e pareha hunto cu nan bruidmeisjes y bruidjongens unda cu por mira tambe prins George y princesa Charlotte.
E post su texto ta bisa: “Feliz aniversario di un aña pa Su Altesanan Real, Duke and Duchess of Sussex! Awe ta cumpli e prome aniversario di e boda di Duke and Duchess of Sussex. E Altesanan Real a intercambia ‘vows’ na St George’s Chapel na Windsor Castle riba 19 di mei 2018. E pareha a scoge e cancion “This Little Light of Mine” y ta spera cu lo disfruta revivando e momento aki, y wak algun potret “behind the scenes’ di e dia special aki. Un mensahe di The Duke & Duchess: Thank you for all of the love and support from so many of you around the world. Each of you made this day even more meaningful. Photo credit: Chris Allerton (B&W); PA (color) ©️SussexRoyal (B&W images and video).”
E prome aña di e matrimonio Harry y Meghan ta yena di momentonan bunita, sigur cu e anuncia apenas cinco luna despues di nan enlace, cu e noticia cu nan ta spera nan prome yiu. Nan yiu Archie a nace dia 6 di mei y el a ser presenta na mundoa dos dia despues.
