E interes tabata grandi pa e di 33 edicion di “Aruba International Half Marathon 2018” cu a tuma luga riba diadomingo 25 di maart saliendo for di Joe Laviest Sport Park pa Alhambra.
Esaki ta e unico careda internacional di 21 km cu ta tuma luga na Aruba unda tabatin participante for di diferente pais ademas di e grupo grandi di coredonan di Aruba. E registracion tabata den e categorianan di; student relay, corporate relay y individual, cu a yega na un total di 850 persona cu a tuma parti na e careda aki.
E Team di “FOCUS For A Run” a consisti di; Olga Lodoño, Angelica Rojas, Tony Danies y Yohana Roos-Nieto, cu total a core 21 km entre nan cuater. E prome cu a core tabata Olga (5km) for di Joe Laviest pa e post na Savaneta, Angelica (6km), for di Savaneta pa Seroe Tijshi, Tony (6km) di Seroe Tijshi pa Juliana School y finalmente Yohana (4km) cu a tuma e banchi over pa core te Alhambra.
E experiencia pa nan tabata unico unda cu alegria y hopi satisfaccion nan a crusa e linea final. Esaki ta di dos biaha cu FOCUS ta patrocina un team pa un marathon y sigur lo sigui duna nos aporte na deporte. Un palabra di ‘pabien’ na e team di “FOCUS For A Run” y tambe na IBISA cu e exitoso “Aruba International Half Marathon 2018”.
Going Bananas Corporate Relay (Compra)
