Un ciudad hopi popular pa celebra ‘destination wedding’ pa e parehanan Arubiano ta Medellin, Colombia. Aña pasa 16 di december Sonaly Acosta y Jerusho Fernandez a celebra nan matrimonio cu un fiesta fabuloso riba piso 18, cu e presentacion sorpresa di Janiro Eisden. E aña aki na juli otro boda super bello a tuma lugar na Medellin, unda famia y amistadnan a comparti e dia memorabel cu Carolina de Souza y Osmar Britten. Un boda estilo campestre unda e novia a yega den un boto chikito, riba e tononan di violin, cello y piano.
Den e fin di siman cu a pasa tabatin otro boda espectacular cu a tuma lugar na Medellin, caminda un cantidad di persona di Aruba tabata invita na e enlace matrimonial di Laura Peñate y Alex Mansur. Un boda cu for di e diferente post riba social media por a mira, cu esaki tabata realmente un anochi magico y inolvidabel. Famia Mansur tabata presente na Medellin y tambe amigonan di e pareha na e enlace matrimonial di Alex y Laura. Pabien na e pareha y un eterno luna de miel.
