Kensington Palace a anuncia cu Duke & Duchess of Sussex ta spera nan prome yiu na primavera di 2019. E pareha real ta aprecia e apoyo cu nan a ricibi for di rond mundo desde di nan casamento na mei y cu nan ta encanta di por comparti e feliz noticia cu e publico.
Segun cu ta pensa cu Meghan tin alrededor di 12 siman na estado, y e pareha a comparti e noticia cu e famia na e boda real diabierna ultimo. Un portavoz di Kensington Palace a bisa cu Ms. Ragland, mama di Meghan, ta emociona cu e noticia y ta spera yegada di su prome nieto. E pareha a yega Australia pa nan prome tour real den exterior hunto, y ta spera cu nan lo sigui dilanti cu nan compromisonan manera planea.
Desde cu prins Harry (34) y Megan (37) a casa na mei, e pareha tabata rondona di rumornan di embaraso. Cuatro luna despues di e boda, Sally Morgan cu ta un TV psyhic a predici e anuncio di un baby pa final di aña. Ta bisto cu Harry y Meghan semper kier a forma un famia hunto. Algun luna prome cu nan boda, durante un bishita na Shnuggle, cu ta un compania cu ta traha productonan di baby innovativo, Meghan a bisa cu sigur den algun momento e lo bay tin mester di tur e cosnan di baby.
Their Royal Highnesses The Duke and Duchess of Sussex are very pleased to announce that The Duchess of Sussex is expecting a baby in the Spring of 2019. pic.twitter.com/Ut9C0RagLk
— Kensington Palace (@KensingtonRoyal) October 15, 2018
