E conocido yiu di Corsou, Ashna Coster, cu ta biba na Hulanda, a lansa su propio liña di Make –Up cu ta hiba di e nomber: BUNITA. Ashna Coster ta un pro makeup artist cu a studia na Belgica, pa ser exacto na e scol Make-up Designory na Antwerpen, caminda el a haya su diplomanan y tambe a ser certifica como un makeup artist.
Ashna Coster tin mas ku 10 aña trahando den e industria di beyesa, como ‘artist’ di Bobbi Brown y tambe den e area di marketing y branding pa varios compania na Corsou.
E marca di Make-Up: Bunita a ser lansa dia 23 augustus 2018 cu 6 lipstik. Awe ya nan ta na un cantidad di 29 lip products, di cual 6 ta lipgloss y 23 liquid lipstik matte. Bou di e make up Bunita, e cliente por haya no solamente brushes di make –up, pero tambe otro producto manera T-shirt y hopi mas. Poco poco pero sigur e marca aki lo crece cu hopi cos mas. E intencion ta pa Bunita crece bira e prome ‘international cosmetic and merchandise brand’ di Corsou pa mundo.
Dia 23 maart ultimo, Ashna Coster, mediante di Bunita, a introduci e prome dos eyeshadow palettes di e brand Bunita na DA drogist na Corsou. Un di e palettenan yama “I Desrve” y e otro “Amor Propio”. Practicamente tur producto di e marca tin nombernan na Papiamentu, cual ta haci e marca diferente. E intencion di e dos palettenan aki ta pa corda tur Bunita su clientenan pa traha riba nan beyesa interno prome. Ya esaki ta refleha aun mas riba nan Beyesa externo. Esaki ta cuadra cu e ideologia di e palabra Bunita, cual ta e nomber di e marca. Bunita ta obtenibel desde awe na DA y tambe Lingerie for You na Palm Beach Plaza. Follow nan riba facebook y Instagram @bunita.ac
