Si durante e ultimo dianan bo a haci un limpiesa profundo den bo cas, no lubida cu bo tools di beyesa tambe mester mantene nan limpi. Un di e actividadnan primordial di e hendenan durante #kedacas ta, pa haci un limpiesa absoluto den cada skina di nan cas. Esaki cu e meta pa elimina cualkier tipo di bacteria y sigura nan mes di ta den un ambiente 100% desinfecta. Sin embargo, nos por lubida cu tin otro cosnan cu tambe nos mester mantene limpi. Obviamente entre esakinan ta nos tools di beyesa. Bo kier sa con pa haci nan limpi?
KIT DI SKINCARE Y MAKEUP
Haci e productonan di makiyahe y skin care limpi, por ta un excuus perfecto pa tin tur cos netjes. Uza un towel desinfecta y pase riba tur e packaging. Si bo tin nan warda den un acrylic organizer, caha of macuto, corda cu bo mester haci esakinan tambe limpi y kita tur e sushi of stof. E brushnan di makiyahe ta den contacto directo cu nos cuero y si bo no haci nan limpi minino un biaha pa luna, e por resulta malo. Tur e bacterianan y sushedad acumula den e borstel ta contamina nos makeup.
KI BO MESTER PA HACI NAN LIMPI?
- Un cup di cristal
- Habon special pa laba skeiro of habon na bara
- Un glove di plastik
Pone dos dede di awa den e cup y coloca e brushnan pa nan keda un rato eyden. Despues pasa un pa un den e habon y cu e brush ta haci movimentonan circular den e glove of por hacie tambe cu plant’i man. Hawa directamente den forma horizontal, paso asina ta evita cu ta muha e parti ariba di e borstel. Ripiti e cantidad di biaha cu ta necesario te ora bo ta sigur cu no ta sali niun rastro di makiyahe of producto den e awa. Ora nan ta full limpi por pone nan riba un superficie pa seca 100% sin uza nada (mane blower) pa nan seca mas lihe. Si bo haci esaki bo por daña tur bo brushnan! P’esey mester tin pashenshi pa mantene bo Beauty kit limpi sin bacteria!
